Bakalavr dərəcəsi, orta məktəb təhsilinizi başa vurduqdan sonra təhsil ala biləcəyiniz ilk ali təhsil dərəcəsidir. Bakalavr dərəcəsi incəsənət, sosial elmlər, mühəndislik və tibb daxil olmaqla, ağlınıza gələ biləcək əksər mövzuları və sahələri əhatə edir. Bakalavr dərəcələri tələbələri müxtəlif karyera qurmaları üçün lazım olan bilik və bacarıqlarla təchiz edir. Bir çox tələbə orta məktəbi bitirdikdən dərhal sonra bakalavr proqramlarına daxil olsa da, bəzi tələbələr subbakalavr dərəcəsini qazanmağı seçirlər.

Müxtəlif sahələrdə mövcud olan bakalavr proqramları, adətən, təxminən dörd il tam zamanlı təhsil tələb edir. Tibb tədrisində isə bu müddət 5-7 il arasında dəyişə bilər.  Eyni zamanda, İngiltərə kimi bəzi ölkələrdə bakalavr təhsili 3 ildə tamamlana da bilər. Bakalavr dərəcəsini qazanan məzunlar birbaşa öz karyerasını qura  və ya təhsilini bir üst səviyyədə davam etdirə bilərlər. Hər iki  halda, bakalavr dərəcəsi karyera imkanları və insanın özünü inkişaf dünyasını açan açardır.

Bakalavr dərəcəsinə daxil olmaq üçün tələblər seçim edilən proqramdan asılı olaraq dəyişə bilər. Memarlıq və ya Gözəl Sənətlər bölümünə aid ixtisaslarda qabiliyyət imtahanı tələbi ola bilər. Eyni zamanda xarici vətəndaşlar üçün bakalavr dərəcəsinə qəbul üçün aşağıdakı şərtlər tələb olunur:

Abituriyentin akademik nəticəsi 70% və üzəri olmalıdır;

İngilis dili dil yetərliliyi-IELTS nəticəsi 6 və ya 6.5 olmalıdır;

Təhsil almaq istədiyiniz dərəcəyə uyğun bir mövzuda məktəb kvalifikasiyası;

1.280 və ya daha yaxşı SAT balı və 3.0 və ya daha yaxşı bir GPA nəticəsi olmalıdır.