Türkiyə, coğrafi yaxınlıq, mədəniyyət oxşarlığı və yüksək təhsil standartları ilə Azərbaycan tələbələrinin ən çox müraciət etdiyi  ölkədir.

Türkiyədə Ali təhsil dövlət və özəl universitetlər vasitəsilə həyata keçirilir. Universitetlər tələbələrə bakalavr, magistratura və doktorantura pillələrində təhsil alaraq dərin ixtisaslaşma imkanı verir.

Bakalavr: Türkiyədə bakalavr təhsili adətən 4 il davam edir.

Magistratura: Magistratura proqramları adətən 2 il davam edir və tələbələrə müəyyən bir sahədə ixtisaslaşmağa imkan verir.

Doktorantura: Doktorantura proqramları adətən 4-5 il davam edir və tələbələrə qabaqcıl tədqiqatlar aparmağa imkan verir.

​

ATTESTATLA QƏBUL 

Uğurlu karyera qurmaq hər birimizin xəyalıdır. Bunun üçün öncədən hədəflərimizi müəyyən etməli və ona uyğun addımlar atmalıyıq. Xüsusilə gənclik illərində bu istiqamətdə daha prespektivli qərarlar verməyə çalışmaq önəmlidir. Bu qərarlar arasında təhsil seçimi böyük önəm daşıyır. Yeni bir ölkədə təhsil imkanlarını dəyərləndirmək həm şəxsi, həm də karyera həyatına bənzərsiz təcrübələr, faydalar qazandırır. Azərbaycanlı tələbələr arasında son illərdə Türkiyədə təhsil almaq müraciətlərində artım qeydə alınıb. Bu isə qardaş ölkənin Avropayla müqayisədə nisbətən daha uyğun şərtlər irəli sürməsiylə bağlıdır.

Azərbaycan vətəndaşları Türkiyə Universitetlərində əyani, bakalavr təhsili almaq üçün mütləq SAT və ya YÖS imtahanlarından birini verməlidirlər  və ya Azərbaycan Dövlət İmtahan Mərkəzinin nəticəsi  ilə müraciət edə bilərlər. Bundan əlavə Azərbaycan vətəndaşları attestat bal ortalaması (min.3.50 ) ilə də əyani təhsilə müraciət edə bilərlər.

Attestatla tələbə qəbul edən Türkiyə universitetlərinin siyahısı üçün linkə keçid edin.